A Coruñako freelance artista bat da Anhyra. 2013an hasi zen cosplaya egiten, eta bere denbora librean hobby eder horretaz gozatzen jarraitu du ordudanik. Betidanik gustatu izan zaio margotzea, eskulturak egitea... eta arte-zaletasun horiek uztartzeko modua ekarri zion cosplayak. Armadurak egiten espezializatu da Anhyra; azken urteotan irabazi du Armadura onenaren saria (2019) eta Cosplay Stageko lehenengo saria (2018), Cometconen.  Horrez gainera, oso gustuko du bere lanei buruzko tutorial eta tipak partekatzea bere webgunean edo bere Instagrameko kontuan; Espainian ematen dituen lantegietan eta atzerrian parte hartzen duen konbentzioetan ere azaltzen ditu bere lanak.

Webgunea: https://anhyracosplay.com/

Instagram: https://www.instagram.com/anhyracosplay/